Back Leptotrygon veraguensis Bulgarian Leptotrygon veraguensis Breton Colom guatlla de Veraguas Catalan Geotrygon veraguensis CEB Cordurtur gefnwerdd Welsh Olive-backed quail-dove English Leptotrygon veraguensis Spanish Geotrygon veraguensis Basque قمری بلدرچینی پشتزیتونی Persian Colombe de Veraguas French
La Olivecdorsa koturnokolombo (Leptotrygon veraguensis) estas granda specio de birdo de la familio de Kolombedoj kiu inkludas turtojn kaj kolombojn. Ĝi estas la nura specio en la genro Leptotrygon. Ĝi estas trovebla en Kolombio, Kostariko, Ekvadoro, Nikaragvo, kaj Panamo. Ties natura habitato estas tropikaj kaj subtropikaj humidaj arbaroj de malaltaj teroj. Temas pri tre bruneca kolombo, pli hela en subaj partoj; la frunto kaj gorĝo estas blankeca, sed ĉefe rimarkinda estas tre blanka sub la okulo ĝis la nuko, La piedoj estas ruĝaj kaj la beko nigra. En dorso estas malhelverdaj olivecaj irizecoj kiuj nomas la specion. La Olivecdorsa koturnokolombo manĝas semojn, malgrandajn fruktojn, kaj malgrandajn senvertebrulojn. Ĝi troviĝas tipe sola aŭ en paroj. Ĝi preferas piediri aŭ ekkuri por eviti la danĝeron, sed foje ekflugas mallongdistance se estas ĝenata. Kladogramo montranta lokon de Leptotrygon inter siaj plej proksimaj parencoj: